Nafasi za Kazi Dereva Daraja la II (Nafasi 427), Nafasi za Kazi, Driver Grade II with 427 positions., Ajira mpya za Driver Grade II
Ofisi ya Rais, Sekretarieti ya Ajira katika Utumishi wa Umma inawatangazia Watanzania wenye sifa nafasi 427 za kazi ya Dereva Daraja la II. Hii ni fursa kwa madereva wenye weledi na uzoefu kujiunga na taasisi za umma na kutoa mchango wao katika kurahisisha utendaji kazi wa serikali.
Majukumu ya Kazi Dereva aliyeajiriwa atakuwa na majukumu yafuatayo:
- Kukagua gari kabla na baada ya safari ili kubaini hali ya usalama wake.
- Kuwapeleka watumishi maeneo mbalimbali kwenye safari za kikazi.
- Kufanya matengenezo madogo madogo ya gari.
- Kukusanya na kusambaza nyaraka mbalimbali.
- Kujaza na kutunza taarifa za safari zote katika daftari la safari.
- Kufanya usafi wa gari.
- Kufanya kazi nyingine atakazoelekezwa na msimamizi wake.
Sifa za Mwombaji
- Mwombaji awe amehitimu Kidato cha Nne (Form IV) na kuwa na Cheti cha Mtihani wa Kidato cha Nne.
- Awe na Leseni ya Daraja la ‘E’ au ‘C’ ya uendeshaji magari.
- Awe na uzoefu wa kuendesha magari kwa muda usiopungua mwaka mmoja (1) bila kusababisha ajali.
- Awe amehudhuria mafunzo ya Msingi ya Uendeshaji Magari (Basic Driving Course) kutoka VETA au Chuo kingine kinachotambuliwa na Serikali.
Ngazi ya Mshahara
- TGOS A
Jinsi ya Kuomba na Masharti ya Jumla
- Mwisho wa Maombi: Tarehe ya mwisho ya kutuma maombi ni 29 Oktoba, 2025.
- Mfumo wa Maombi: Maombi yote lazima yatumwe kupitia Mfumo wa Kielektroniki wa Ajira (Recruitment Portal) unaopatikana kwa anwani: https://portal.ajira.go.tz/. Maombi yatakayowasilishwa nje ya utaratibu huu hayatafikiriwa.
- Viambatisho Muhimu: Waombaji wote wanapaswa kuambatanisha CV yenye taarifa za kutosha, nakala za vyeti vya taaluma na cheti cha kuzaliwa vilivyothibitishwa na Mwanasheria/Wakili.
- Uraia na Umri: Waombaji wote lazima wawe Raia wa Tanzania na wenye umri usiozidi miaka 45, isipokuwa kwa wale walioko tayari kazini serikalini.
- Kumbuka: “Testmonials”, “Provisional Results”, na “Statement of results” HAVITAKUBALIWA.
