Matokeo ya Usaili wa Ajira TRA 2025 (Waliofaulu Usaili)

Matokeo ya Usaili wa Ajira TRA 2025: Ratiba, Takwimu na Maelekezo Muhimu kwa Waombaji

Dar es Salaam, Aprili 2, 2025 ;Mamlaka ya Mapato Tanzania (TRA) imetangaza taarifa rasmi kuhusu mchakato wa ajira kwa mwaka 2025, ikiwa ni pamoja na matokeo ya usaili wa maandishi, ratiba ya usaili wa vitendo na mahojiano, pamoja na takwimu muhimu kuhusu waombaji.

Matokeo Rasmi ya Usaili wa Maandishi

Kwa mujibu wa Mkurugenzi wa Usimamizi na Utawala wa Rasilimali Watu wa TRA, Moshi Kabengwe, matokeo ya usaili wa maandishi yaliyoendeshwa tarehe 29 na 30 Machi 2025, yatatolewa rasmi tarehe 25 Aprili 2025. Kabengwe amesema matokeo hayo yatatolewa mara baada ya kupokea ripoti kutoka kwa mshauri wa taaluma aliyesimamia zoezi hilo, ambaye anatarajiwa kuwasilisha taarifa yake ifikapo Aprili 23, 2025.

Ratiba ya Usaili wa Vitendo na Mahojiano

Baada ya kutangazwa kwa matokeo ya maandishi, hatua zitakazofuata ni kama ifuatavyo:

Aina ya Usaili	Tarehe	Kada Zinazohusika
Usaili wa vitendo	2 – 4 Mei 2025	Madereva na Waandishi Waendesha Ofisi
Usaili wa mahojiano	7 – 9 Mei 2025	Kada nyingine zote zilizotangazwa

Mafunzo na Mwelekeo kwa Watumishi Wapya

Wale watakaofaulu hatua zote za usaili watapokea barua zao rasmi tarehe 18 Mei 2025. Mafunzo elekezi kwa watumishi watarajiwa yataanza 22 Mei hadi 2 Juni 2025, na kisha kuanza kazi rasmi ndani ya TRA baada ya kipindi hicho.

Takwimu Muhimu za Mchakato wa Ajira TRA 2025

Jumla ya maombi yaliyokidhi vigezo: 112,952
Maombi ya nyongeza kupitia rufaa: 71
Jumla ya waombaji wote waliosajiliwa: 113,023 kutoka kwa watu 86,314
Walioshiriki usaili wa maandishi: 78,544 (sawa na 91%)
Walioshindwa kufika kwenye usaili: 7,770 (asilimia 9%

Vituo vya Usaili na Uwiano wa Upatikanaji

Zoezi la usaili lilifanyika katika mikoa minane pamoja na Zanzibar, ili kuhakikisha waombaji kutoka maeneo mbalimbali ya nchi wanapata nafasi sawa ya kushiriki.

⚠️ Tahadhari kwa Waombaji

Waombaji wote wanakumbushwa kufuatilia tovuti rasmi ya TRA www.tra.go.tz au vyombo vya habari vilivyoidhinishwa kwa taarifa sahihi. Kuepuka taarifa za upotoshaji zinazozunguka mitandaoni ni muhimu sana.

Kwa taarifa zaidi au msaada wa moja kwa moja:

Simu za bure: 0800 750 075, 0800 780 078, 0800 110 016
WhatsApp: 0744 233 333
Barua pepe: services@tra.go.tz

Mapendekezo Mengine;