Majina ya Waliochaguliwa Vyuo Vikuu Awamu ya Pili 2025/2026 TCU Yatangazwa Rasmi
Tume ya Vyuo Vikuu Tanzania (TCU) imetoa rasmi orodha ya wanafunzi waliochaguliwa kujiunga na vyuo vikuu mbalimbali nchini kwa awamu ya pili ya mwaka wa masomo 2025/2026. Orodha hii inajumuisha waombaji ambao wamedahiliwa katika zaidi ya chuo kimoja au programu zaidi ya moja.
Waombaji wote walioshiriki katika awamu hii ya maombi wanashauriwa kupitia orodha hiyo kwa makini ili kuona status zao za udahili. Ni muhimu kwa kila mwombaji aliyechaguliwa katika zaidi ya chuo kimoja kufanya maamuzi na kuthibitisha chuo anachokitaka ili kutoa nafasi kwa waombaji wengine.
Hatua za Kufuata kwa Waliochaguliwa
Kwa waombaji ambao majina yao yapo kwenye orodha hii na wamechaguliwa na zaidi ya chuo kimoja, wanatakiwa kufuata hatua zifuatazo:
- Thibitisha Uko Chuo Gani: Ingia katika akaunti yako ya maombi ya udahili uliyotumia kuomba.
- Fanya Uthibitisho: Chagua na thibitisha programu moja na chuo kimoja unachopenda kujiunga nacho. Utatumiwa namba maalum ya siri (confirmation code) kupitia ujumbe mfupi wa simu (SMS) ili kukamilisha uthibitisho.
- Muda wa Kuthibitisha: Zoezi la kuthibitisha udahili lina muda maalum. Tafadhali fanya hivyo mapema iwezekanavyo ili kuepuka usumbufu.
Kuthibitisha udahili katika chuo kimoja ni muhimu, kwani kutofanya hivyo kunaweza kusababisha kupoteza nafasi zote ulizopata.
Pakua Orodha Kamili (PDF)
Unaweza kupata orodha kamili ya majina ya waliochaguliwa kwa awamu ya pili kwa mwaka wa masomo 2025/2026 katika muundo wa PDF kupitia kiungo rasmi cha Tume ya Vyuo Vikuu Tanzania (TCU).
Bofya hapa kupakua PDF:Orodha-ya-Waombaji-waliodahiliwa-zaidi-ya-Chuo-Kimoja-au-Programu-zaidi-ya-moja-Round-1-na-Round2-2025_2026-1
Kwa taarifa zaidi na masasisho, tafadhali tembelea tovuti rasmi ya TCU: https://www.tcu.go.tz
