Matokeo ya Usaili wa Ajira TRA 2025: Orodha ya Waliofaulu

Matokeo ya Usaili wa Ajira TRA 2025: Orodha ya Waliofaulu na Maelekezo Muhimu

Mamlaka ya Mapato Tanzania (TRA) imetangaza matokeo ya usaili wa ajira kwa mwaka 2025. Orodha ya waombaji waliofaulu imechapishwa rasmi kwenye tovuti ya TRA tarehe 22 Machi 2025. Waombaji wote walioshiriki usaili wanashauriwa kutembelea tovuti hiyo ili kujua kama wamechaguliwa.

Jinsi ya Kuangalia Matokeo

Tembelea tovuti rasmi ya TRA: www.tra.go.tz
Nenda kwenye sehemu ya “Matangazo ya Umma” au “Vacancies”
Pakua faili la PDF lenye majina ya waliofaulu usaili

Kwa waombaji waliotuma maombi ya ajira kati ya tarehe 6 hadi 19 Februari 2025, ambapo jumla ya maombi 135,027 yalipokelewa kwa nafasi 1,596 zilizotangazwa, ni muhimu kuangalia majina yao kwenye orodha hiyo.

Maelekezo kwa Waliofaulu

Waombaji waliofaulu usaili wanapaswa kuzingatia maelekezo yafuatayo:

Hati Muhimu: Waleteni vyeti halisi vya kuzaliwa, elimu (Cheti cha Kidato cha Nne, Sita, Diploma, Shahada n.k.), na kitambulisho halali (NIDA, leseni ya udereva, pasipoti n.k.)
Muda wa Kuripoti: Fika katika kituo cha usaili kilichotajwa kwenye barua ya mwaliko kwa wakati uliopangwa.
Gharama Binafsi: Waombaji watajigharamia chakula, usafiri na malazi wakati wa usaili.
Vyeti vya Nje ya Nchi: Vyeti vilivyopatikana kutoka taasisi za nje ya nchi vinapaswa kuidhinishwa na mamlaka husika kama TCU, NACTE au NECTA.